वैष्णवी हगवणे हत्याप्रकरणी पोलिसांनी मोठी कारवाई केली आहे. वैष्णवीचे सासरे आणि दिराला पोलिसांनी अटक केली आहे. स्वारगेट परिसरातून वैष्णवीचा दीर आणि सासऱ्याला पोलिसांनी बेड्या ठोकल्या आहेत. हे दोघेही गेल्या अनेक दिवसांपासून फरार होते. दरम्यान, त्यांच्या अटकेआधीचा व्हिडिओ समोर आला आहे.

वैष्णवी हगवणेचा सासरा आणि दीर एक हॉटेलमध्ये जेवतानाचा व्हिडिओ समोर आला आहे. राजेंद्र हगवणे आपल्या मित्रासोबत एका हॉटेलमध्ये जेवत होते. ही घटना सीसीटीव्ही कॅमेऱ्यात कैद झाली. याच सीसीटीव्हीच्या मदतीने पोलिसांनी राजेंद्र हगवणे आणि सुशील हगवणेला अटक केली आहे. याआधीच वैष्णवीचा नवरा, सासू आणि नणंदेला अटक करण्यात आली आहे. त्यानंतर वावधन पोलिसांनी सासरा अन् दिरालादेखील अटक केली आहे.

मात्र वैष्णवीच्या आत्महत्येच्या दुसऱ्याच दिवशी राजेंद्र हगवणे त्यांच्या काही मित्रमंडळी सोबत तळेगाव येथील एका हॉटेलमध्ये मटणावर ताव मारतानाचा विडियो आता समोर आला आहे. या व्हिडिओमध्ये राजेंद्र हगवणे आणि त्याचे काही मित्र मंडळी हॉटेलमध्ये मटणावर ताव मारताना दिसत आहेत. वैष्णवीच्या आत्महत्येमुळे एकीकडे संपूर्ण महाराष्ट्र हळहळ करत आहे. तर दुसरीकडे निर्लज्ज राजेंद्र हगवणे आपल्या मित्रांसोबत मटणावर ताव मारत असतानाची दृश्य आता समोर आली आहेत.