उत्तर प्रदेशच्या कानपूरमध्ये कोर्ट परिसरातून एक व्हिडिओ समोर आला आहे. या व्हिडिओत दोन वकिलांमध्ये बाचाबाची झाली. दोघांमधील वाद इतका टोकाला गेला की, एका वकिलाने भर कोर्टात शर्ट काढून संताप व्यक्त केला. एका वकिलाचा पक्षकार दुसऱ्या वकिलाने त्याच्याकडे वळवून घेतल्याचा कारणावरून हा वाद झाल्याचे सांगण्यात येत आहे.

उत्तर प्रदेशातील कानपूर कोर्टातील हा व्हिडिओ सोशल मीडियावर व्हायरल होत आहे. वकिलाने कोर्ट परिसरातच राडा केल्याने अनेक सवाल उपस्थित करण्यात येत आहे. अनेक जण न्यायाची अपेक्षा घेऊन कोर्टात येतात, त्याच ठिकाणी दोन वकिलांमध्ये राडा झाल्याने अनेक जण चकीत झाले. वादानंतर अनेकांनी चिंता व्यक्त केली. बार असोसिएशनने दोन्ही वकिलांवर कारवाई करावी, अशी मागणी केली जात आहे. आता दोन्ही वकिलांवर काय कारवाई केली जाते, हे पाहावे लागेल.