हिवाळा सुरू असताना पुणेकरांना पावसाचा अनुभव घ्यायला मिळत आहे. उत्तर पुणे जिल्ह्यातल्या मंचर आणि कळंब परिसरात रात्रीच्या वेळी अवकाळी पाऊस पडला. अचानक आलेल्या पावसामुळे शेतीचं नुकसान झाले. या पावसामुळे नागरिकांची चांगलीच तारांबळ उडाली.

यावेळी पावसाचा जोर कमी असला तरी रिमझिम पडणाऱ्या पावसामुळे रस्त्याच्या कडेला पाणी साचले. अचानक आलेल्या या अवकाळी पावसामुळे काही प्रमाणात शेती पिकांचे नुकसान होणार असून पिकांवर रोगाचा प्रादुर्भाव होण्याची भीती निर्माण झाली आहे. त्यामुळे शेतकरी चिंतेत आले आहेत. हाता तोंडाशी आलेला घास पुन्हा हिरावून जाण्याची शक्यता असल्याने शेतकऱ्यांच्या डोळ्यात पाणी आले आहे.