राज्यात २९ महानगरपालिकांच्या निवडणुकीसाठी आज मतदान पार पडले आहे. या निवडणुकीत चुरशीची लढत पाहायला मिळते आहे. महायुतीत भाजप आणि शिंदे सेनेने सत्तेसाठी चांगलाच जोर धरला होता. त्यांना टक्कर देण्यासाठी मराठी कार्ड वापरून यावेळेस ठाकरे बंधू युती करत निवडणुकीच्या रिंगणात उतरले. उद्या २९ महापालिकेच्या निवडणुकांचा निकाल हाती येणार आहे.

तत्पूर्वी साम टीव्हीने संभाव्य एक्झिट पोल सांगितले आहेत. बऱ्याच ठिकणी भाजपची सत्ता येण्याची शक्यता आहे. सामच्या एक्झिट पोलनुसार, उल्हासनगरमध्ये भाजपाला २८, शिंदे सेनेला २९ तर राष्ट्रवादी काँग्रेस (अजित पवार)गटाला ४ जागा मिळू शकतात असे चित्र पाहायला मिळत आहे. तसेच इतरांच्या स्थानिक जागा आहेत त्यांना १२, काँग्रेसला २, ठाकरेसेना १, राष्ट्रवादी काँग्रेस (शरद पवार) १५, तर मनसेला २ जागा मिळण्याची शक्यता दर्शवण्यात आली आहे. उल्हासनगरमध्ये भाजप आणि शिंदे सेनेची अतितटीची चुरस पाहायला मिळाली. दरम्यान शिंदे सेनेचं पारडं अधिकाधिक जड होण्याची शक्यता आहे. हा संभाव्य निकाल असून आज झालेल्या निवडणुकीचा निकाल उद्या लागणार आहे.