दोन दिवसांपूर्वीच झालेली UGC NET परीक्षा रद्द करण्यात आलीये. आता पुन्हा परीक्षा घेण्यात येणार आहे. UGC NET परीक्षेमध्ये गैरव्यवहार झाल्याचं निदर्शनास आलं होतं. शिक्षण मंत्रालयाने हा मोठा निर्णय घेतला आहे. या प्रकरणाचा तपास आता सीबीआय करणार आहे. 18 जून रोजी देशातील विविध शहरांमध्ये बाराशेपेक्षा जास्त केंद्रावर 2 टप्प्यात ही परीक्षा घेण्यात आली होती. तब्बल 9 लाखांहून अधिक विद्यार्थ्यांनी ही परीक्षा दिली होती. परrक्षेच्या दुसऱ्याच दिवशी 19 जून रोजी UGC ला सायबर क्राइम थ्रेट अॅनालिसिस युनिटकडून परीक्षेत गैरव्यवहार झाल्याचे समोर आले होते. त्यामुळे परीक्षा रद्द करण्याचा निर्णय घेण्यात आला. आता याप्रकरणातील दोषींवर कठोर कारवाई करण्यात येईल, असे शिक्षण मंत्रालयाने स्पष्ट केलंय.