विधानसभा निवडणुकीच्या खराब निकालानंतर आता उद्धव ठाकरे गटाकडून देखील हालचाली सुरू झाल्या आहेत. निवडणून आलेल्या नवनिर्वाचित आमदारांची आज उद्धव ठाकरे यांनी मातोश्रीवर तातडीने बैठक बोलावली आहे. दुपारी 12:30 वाजता ही बैठक बोलावण्यात आली आहे.

राज्यातील विधानसभा निवडणुकीच्या निकालानंतर महाविकास आघाडी आणि शिवसेना उबाठा गटाचा दारुण पराभव झाला आहे. राज्यातल्या मतदारांनी महायुतीला एकतर्फी कौल दिल्याने विरोधकांची राजकीय स्थिती खालावली असल्याचं बघायला मिळालं आहे. त्यामुळे आता सर्व पक्षांकडून याबाबत विचारमंथन आणि भूमिका ठरवण्यासाठी हालचाली सुरू झाल्या आहेत. त्याच अनुषंगाने आज शिवसेना उबाठा प्रमुख उद्धव ठाकरे यांनी मातोश्रीवर दुपारी बैठक बोलावली आहे. या बैठकीत सध्याची राजकीय परिस्थिती आणि पुढील वाटचालीसंदर्भात चर्चा केली जाणार आहे. त्यामुळे आता येणाऱ्या काळात ठाकरे गटाची नेमकी काय भूमिका असेल याकडे सगळ्यांच लक्ष लागलं आहे. उद्धव ठाकरे या बैठकीत नवनिर्वाचित आमदारांना काय सूचना करतात हे पाहाणं महत्वाचं ठरणार आहे.

Edited By Rakhi Rajput