तब्बल 20 वर्षांनंतर मुंबईमधील शिवाजी पार्कावर ठाकरे बंधूंची संयुक्त सभा होतंय. या सभेमधून राज ठाकरे लाव रे तो व्हिडिओ म्हणून कोणती पोलखोल करणार याकडे सुद्धा लक्ष लागलंय. राज ठाकरे भाजपवर काय घणाघात करणार याबाबत उत्सुकता आहे. दरम्यान उद्धव-राज ठाकरे यांच्या सभेला मुंबईच्या कानाकोपऱ्यातील कार्यकर्ते शिवाजी पार्कावर जमत आहेत.

हातात मोठं मोठं बॅनर घेतलंय. मराठी माणसांचे सुरक्षाकवच म्हणजे ठाकरे, भाऊकी जोमात, विरोधक कोमात अशा आशयाचे बॅनर कार्यकर्ते दाखवत आहेत. कार्यकर्त्यांनी सुद्धा भाजपवर हल्लाबोल केलाय. ठाकरे हे मराठी माणसांचे सुरक्षा कवच आहेत. दोन्ही बंधू एकत्र आल्याने महायुतीचे नेते कोमात गेलेत, अशी प्रतिक्रिया कार्यकर्त्यांनी दिल्या. जे मराठी माणसांचे लचके तोडतात ठाकरे बंधू त्यांच्या उरावर बसतात. तर दोन्ही बंधू एकत्र आल्याने विरोधकांची अवस्था वाईट झालीय.