शिवसेना ठाकरे गटाचे प्रमुख उद्धव ठाकरे यांचे चिरंजीव तेजस ठाकरे यांची प्रकृती अचानक बिघडली. तेजस ठाकरे यांच्यावर मुंबईतील सर एच.एन. रिलायन्स फाउंडेशन हॉस्पिटलमध्ये उपचार सुरू आहेत. गेल्या ३ दिवसांपासून त्यांच्यावर या रुग्णालयात उपचार सुरू असल्याची माहिती समोर आली आहे. उद्धव ठाकरे यांनी आज सकाळी रुग्णालयात जाऊन तेजस ठाकरे यांची भेट घेत प्रकृतीची विचारपूस केली.

तेजस ठाकरे यांनी अस्वस्थ वाटत असल्यामुळे रुग्णालयात दाखल करण्यात आले. रुग्णालयात दाखल केल्यानंतर वैद्यकीय तपासण्या करण्यात आल्या. तेजस ठाकरेंवर नेमक्या कोणत्या आजारावर उपचार सुरू आहेत याबाबतची अधिकृत माहिती मिळाली नाही. तेजस ठाकरेंवर तज्ज्ञ डॉक्टरांच्या देखरेखीखाली उपचार सुरू आहेत त्यांची प्रकृती सध्या स्थिर असून सुधारणा होत आहे, अशी माहिती सुत्रांनी दिली आहे.