मुंबई: शिवसेना ठाकरे गटाचे पक्ष प्रमुख उद्धव ठाकरेंनी आज विदर्भ आणि मराठवाड्यातील सर्व जिल्हा प्रमुखांसोबत बैठक घेतली. या बैठकीत त्यांनी मार्गदर्शन करत सांगितले की, १४ तारखेला जोरदार आंदोलन करावे. तसेच निवडणुकीसाठी तयारी सुरू करावी आणि महायुतीतील नेत्यांमधील भ्रष्टाचार बाहेर काढावा.

पहलगाम हल्ल्यानंतर भारत आणि पाकिस्तानमध्ये युद्धजन्य परिस्थिति निर्माण झाली होती. आणि त्यानंतर 14 तारखेला भारत आणि पाकिस्तानमध्ये क्रिकेटचा सामना होणार आहे. या सामन्याला ठाकरे गटाकडून विरोध पाहायला मिळत आहे. पहलगाममध्ये आपल्या माता भगिनींचा सिंदूर पुसला गेला तरी देखील हा सामना होत आहे. मोदींना हा सिंदूर पाठवावा. तसेच महायुतीतील मंत्र्यांचे भ्रष्टाचार बाहेर काढावे अशा सूचना उद्धव ठाकरे यांनी पदाधिकाऱ्यांना दिल्या.