शिवसेना उद्धव बाळासाहेब ठाकरे पक्षाच्या उपनेत्या सुषमा अंधारे यांनी ठाकरे बंधूंच्या भेटीमागील कारणांचा खुलासा केला आहे. मुंबईतील मतदार याद्यांमधील गोंधळ आणि राज्य सरकारच्या त्रिभाषा सूत्रावरील चर्चासत्रावर पक्षाची भूमिका ठरवण्यासाठी ही बैठक असल्याचे त्यांनी स्पष्ट केले. मुंबईच्या मतदार याद्यांमध्ये किती घोळ आहे. जवळपास दहा ते अकरा लाख दुबार मतदारांचा आक्षेप आहे असे अंधारे यांनी सांगितले. या बैठकीचा महापालिका किंवा नगरपरिषद निवडणुकीच्या जागावाटपाशी कोणताही संबंध नसल्याचेही त्यांनी नमूद केले. मतदार यादीतील त्रुटींबाबत निवडणूक आयोगाकडे हरकत नोंदवण्यासाठी मुदतवाढ मिळाली असून, त्रिभाषा सूत्रावरील सरकारच्या राजकीय खेळीवर प्रतिवाद कसा करायचा, यावर या बैठकीत चर्चा होणार असल्याचे अंधारे यांनी साम टीव्हीला सांगितले.