शिवसेना (उद्धव बाळासाहेब ठाकरे) पक्षाचे प्रमुख उद्धव ठाकरे यांच्या उपस्थितीत २० नोव्हेंबर रोजी ज्येष्ठ शिवसैनिकांचा मेळावा होणार आहे. ज्येष्ठ शिवसैनिक कक्षाच्या दुसऱ्या वर्धापन दिनानिमित्त या मेळाव्याचे आयोजन करण्यात आले आहे. हा कार्यक्रम मुंबईतील दादर येथील शिवाजी मंदिर येथे सायंकाळी सहा वाजता होणार असून, यावेळी उद्धव ठाकरे उपस्थित शिवसैनिकांना मार्गदर्शन करणार आहेत. या मेळाव्याकडे राजकीय वर्तुळाचे लक्ष लागले असून, ठाकरे आपल्या भाषणातून कोणत्या मुद्द्यांवर भाष्य करणार याविषयी उत्सुकता निर्माण झाली आहे. पक्षाच्या ज्येष्ठ कार्यकर्त्यांशी संवाद साधण्याच्या आणि त्यांच्या कार्याचा गौरव करण्याच्या दृष्टीने हा मेळावा महत्त्वाचा मानला जात आहे. तसेच मंगळवारी झालेल्या शिंदे आणि भाजपमधील वादावर उद्धव ठाकरे काय टोलेबाजी करता हे पाहणं देखील महत्वाचे ठरणार आहे.