उद्धव ठाकरे यांनी भाजपवर गंभीर आरोप केलाय. मतदानाआधीच काही जणांच्या बोटाला शाई लावण्याचा कट रचला गेल्याचा सनसनाटी आरोप ठाकरेंनी केलाय. महाविकास आघाडीच्या संयुक्त पत्रकार परिषदेत ते बोलत होते. मुंबई बोलत असताना उद्धव ठाकरे यांनी भाजपच्या या कटाविरोधात तक्रार निवडणूक आयोगासमोर केली असल्याचंही ठाकरेंनी म्हटलंय. ज्या ठिकाणावरुन आपल्याला मतदान कमी होण्याची शक्यता, अशा ठिकाणी असलेल्या लोकांच्या बोटाला आधीच शाई लावली जाते आहे, असा आरोप उद्धव ठाकरे यांनी केलाय. तसंच शाई बाहेर आलीच कशी? असा सवालही त्यांनी केला आहे. आता ठाकरेंनी केलेल्या आरोपांची निवडणूक आयोगाकडून काय दखल घेतली जाते, हे पाहणं महत्त्वाचंय.