uddhav thackeray : उद्धव ठाकरेंची शिवसेना पुन्हा एकदा फुटणार असल्याच्या चर्चेने राज्यात जोर धरला आहे. एकनाथ शिंदे यांच्या शिवसेनेचे नागपूरमधील आमदार कृपाल तुमाने यांनी ठाकरेंचे नेते संपर्कात असल्याचा खळबळजनक दावा केलाय. साम टीव्हीशी बोलताना तुमने यांनी राज्यात खळबळ उडवणारा दावा केला आहे.

ठाकरेंच्या शिवसेनेचे दोन आमदार सोडले तर सर्वच आमदार एकनाथ शिंदेंच्या शिवसेनेच्या संपर्कात आहेत, असा दावा शिवसेना नेते कृपाल तुमाने यांनी केलाय. ते नागपूरमध्ये बोलत होते. यावेळी त्यांनी राऊतांवर तोफ डागली. ठाकरेंचे सर्व आमदार संजय राऊत यांना कंटाळले आहेत. त्यामुळे 80 टक्के मुंबईतील माजी नगरसेवकही शिंदेंच्या संपर्कात आहेत. दसऱ्या मेळाव्यात निमित्ताने अनेक बाबू समोर येतील असाही दावा कृपाल तुमाने यांनी केला आहे. तुमने यांच्या या दाव्यानंतर पुन्हा एकदा राज्यात मोठी घडामोड घडणार असल्याच्या चर्चा सुरू झाल्या आहेत.