ठाकरे बंधूंची पुन्हा एकदा भेट होणार असून मनसे अध्यक्ष राज ठाकरे यांनी उद्धव ठाकरे यांना फोन करून घरच्या गणपतीच्या दर्शनाचे आमंत्रण दिले आहे. उद्धव ठाकरे यांनी हे निमंत्रण स्वीकारले असून ते दर्शनासाठी पहिल्याच दिवशी सहकुटुंब शिवतीर्थावर जाणार आहे. त्यामुळे पुन्हा एकदा ठाकरे परिवार भेटणार असल्याने मनसैनिक आणि शिवसैनिकांमध्ये नवचैतन्याचे वातावरण निर्माण झाले आहे.

राज ठाकरे आणि उद्धव ठाकरे आणि हे 5 जुलैला मराठीच्या मुद्द्यावर एकत्र आले होते. हा क्षण अवघ्या महाराष्ट्रासाठी ऐतिहासिक होता. यानंतर 27 जुलैला राज ठाकरेंनी मातोश्रीवर जात उद्धव ठाकरेंना वाढदिवसाच्या शुभेछा दिल्या होत्या. आणि उद्या त्यानंतर तिसऱ्यांदा ही भेट होणार असल्याने राजकीय चर्चांना उधाण आले आहे.