पक्षप्रमुख उद्धव ठाकरे यांनी आज नागपूर येथील हिवाळी अधिवेशनाच्या निमित्ताने विधिमंडळात जात शिवसेना आमदार व पदाधिकाऱ्यांशी चर्चा केली. त्यानंतर पत्रकार परिषद घेत मुख्यमंत्री फडणवीसांवर टिकास्त्र डागलं. या हिवाळी अधिवेशनातून विदर्भाला काय मिळालं? असा सवाल करत उद्धव ठाकरेंनी देवेंद्र फडणवीस यांच्यावर टीका केली. 'कोण होतास तू, काय झालास तू' या फडणवीस यांच्या टीकेलाही ठाकरेंनी जोरदार प्रत्युत्तर दिलंय. मला मुख्यमंत्र्यांची दया येत असल्याचं उद्धव ठाकरे म्हणाले. कोण होतास तू काय झालास तू, एवढ्या सगळ्या भ्रष्टाचाऱ्यांना जवळ घेतलंस तू, स्वत:च्या पांघरुणात घेतलंस तू, असे म्हणत उद्धव ठाकरेंनी देवेंद्र फडणवीसांच्या टीकेला प्रत्त्युत्तर दिलं. ही महाराष्ट्राची संस्कृती नसल्याचंही ठाकरे म्हणाले.