गिरीश कांबळे, साम टीव्ही

मुंबई : आगामी स्थानिक स्वराज्य संस्थाच्या निवडणुकीत दोन्ही ठाकरे बंधू एकत्रित येणार असल्याची जोरदार चर्चा सुरु आहे. या महापालिकेच्या निवडणुकीआधीच ठाकरे बंधू बेस्टच्या निवडणुकीसाठी एकत्र आले आहेत. मुंबईतील बेस्ट उपक्रम कामगार पतपेढीच्या निवडणुकीत ठाकरेंची शिवसेना आणि मनसेची युती झाली आहे. पालिकेच्या बेस्ट पतपेढीची निवडणूक 18 ऑगस्ट रोजी पार पडणार आहे. ठाकरेंच्या शिवसेनेची बेस्ट कामगार सेना आणि महाराष्ट्र नवनिर्माण बेस्ट कर्मचारी सेना युती प्रणित उत्कर्ष पॅनल या निवडणुकीत निवडणूक एकत्र निवडणूक लढणार आहेत.