शिवसेना ठाकरे गटाचे पक्षप्रमुख उद्धव ठाकरे यांनी भाजपवर निशाणा साधत औकातीत राहावे असा इशारा दिला होता. यावरच आज मंत्री उदय सामंत यांनी जोरदार प्रत्युत्तर दिले आहे. जर भाजप वाईट असेल तर मुख्यमंत्र्यांना का भेटता? भेटून अर्धा अर्धा तास चर्चा का करता? असा सवाल सामंत यांनी केला. ते पुणे येथे एका कार्यक्रमात आले होते त्यानंतर त्यांनी प्रसारमध्यमांशी संवाद साधत उद्धव ठाकरेंवर टीकास्त्र सोडले. भाजप हा पक्ष वाईट असेल तर त्यांनी मुख्यमंत्र्याना भेटू नये अशा आमच्या सूचना आहे. भेटायचे अर्धा अर्धा तास गप्पा मारायच्या मग पुढे काहीतरी निर्माण झाले आहे असे दाखवायचे. ही दुट्टपी भूमिका आहे. असा पलटवार उदय सामंत यांनी केला.