उपमुख्यमंत्री अजित पवार यांच्या ताफ्यासमोर दोन तरुणांनी आत्महदहनाचा प्रयत्न केला. बीडमध्ये ही घटना घडली असून दोन्ही तरुणांना पोलिसांनी ताब्यात घेतलं. यावेळी तरुणांनी 'न्याय द्या, न्याय द्या अजित दादा न्याय द्या' अशा घोषणा दिल्या. या घटनेचा व्हिडीओ समोर आला असून तो व्हायरल होत आहे.

आज मराठवाडा मुक्तीसंग्राम दिनानिमित्त अजित पवार बीडमध्ये आहेत. अजित पवारांचा ताफा ध्वजारोहणासाठी पोलिस ग्राउंडकडे जात होता‌. यादरम्यान दोन तरुणांनी अचानक ताफ्याच्या समोर येत अंगावर ज्वलनशील पदार्थ ओतून घेत आत्मदहनाचा प्रयत्न केला. आत्महत्येचा प्रयत्न तरूण केज तालुक्यातील कुंभेफळ येथील आहेत. पोलिसांनी त्यांना तात्काळ ताब्यात घेतलं.