तुळजाभवानी मंदिराबाहेर जितेंद्र आव्हाड यांचे कार्यकर्ते आणि भाजप कार्यकर्ते आमनेसामने आलेत. भाजप कार्यकर्त्यांनी जितेंद्र आव्हाडांच्या विरोधात तीव्र घोषणाबाजी केली. भाजप कार्यकर्त्यांनी जितेंद्र आव्हाड यांची कार अडवलीय. आई तुळजाभवानी देवीच्या मंदिराच्या शिखरावरून वाद सुरू आहे. या वादात जितेंद्र आव्हाड यांनी उडी घेतली आहे. आई तुळजाभवानी देवीच्या शिखराला हात लावू देणार नसल्याची भूमिका त्यांनी घेतलीय.

तुळजाभवानी मंदिराची पाहणी करून जितेंद्र आव्हाड यांनी आपली मंदिराच्या विकासाबाबतची भूमिका पत्रकार परिषद घेऊन स्पष्ट केली. कोणत्याही परिस्थितीत तुळजाभवानी मंदिराच्या गाभाऱ्याला हात लावू देणार नाही. ज्या पायऱ्यांवरून छत्रपती शिवाजी महाराज गेले त्या पायऱ्या आणि देवीच्या गाभाऱ्याला हात लावू देणार नाही.

यावेळी त्यांनी मंदिराच्या विकासाला विरोध नाही. तर ऐतिहासिक संदर्भ असलेल्या मंदिरातील वास्तु हलवू देणार नाही, असा इशारा दिला. आव्हाडांच्या या भूमिकेनंतर संतप्त भाजप कार्यकर्त्यांनी घोषणाबाजी करत, मंदिराबाहेर आवड्यांची गाडी अडवली. आवड आणि हिंदू धर्म आणि देवीचा अवमान केल्याचा आरोप करत भाजप कार्यकर्त्यांनी जोरदार घोषणाबाजी केली.