राज्यात अन्न व औषध प्रशासनाचे आयुक्त तुकाराम मुंढे यांनी कारवाईचा धडाका लावला आहे. राज्यातील विविध शहरात अन्न व औषध प्रशासनाच्या पथकाने कारवाई सुरू केली आहे. विविध शहरानंतर आता विभागाच्या पथकाने पु्ण्यात धाड टाकली आहे. पुण्यातील स्वारगेट बस स्टॉपवर असलेल्या सगळ्या दुकानांवर अचानक धाड टाकली. आयुक्त तुकाराम मुंढे यांची टीम पुण्यातील स्वारगेट पोलीस स्टेशनमध्ये पाच ते साडेपाचच्या दरम्यान दाखल झाली होती. त्यांनी विविध दुकानांमध्ये पाहणी केली. त्यानंतर माहिती घेऊन सूचना दिल्या. दुकान खाली करून जोपर्यंत स्वच्छता होत नाही, तोपर्यंत दुकान बंद ठेवण्याच्या सूचना देखील दिल्या.