राज्यातील अंगणवाड्या आणि शालेय पोषण आहार व्यवस्थेवर आता FDAची करडी नजर असणार आहे. तुकाराम मुंढे यांनी राज्यभरातील अंगणवाडी आणि शालेय आहाराची तपासणी करण्याचे आदेश दिले आहेत. अंगणवाडीतील पोषण आहार, शालेय पोषण आहार आणि मिड-डे मिलची गुणवत्ता तपासली जाणार आहे. अनेक ठिकाणी विद्यार्थ्यांना निकृष्ट दर्जाचं जेवण दिलं जात असल्याच्या तक्रारी आणि घटना समोर आल्या होत्या. कडधान्यांना भूंगे लागणे, खिचडीत आळ्या आढळणे आणि अस्वच्छतेच्या घटना उघडकीस आल्या होत्या. त्यामुळे नव्या तपासणी आदेशामुळे शालेय आहाराच्या गुणवत्तेत गैरप्रकार करणाऱ्यांवर कारवाईची शक्यता वाढली आहे.