पश्चिम बंगालच्या आगामी विधानसभा निवडणुकीच्या पार्श्वभूमीवर नरेंद्र मोदी यांची कोलकातामध्ये एक रॅली झाली. पश्चिम बंगालमध्ये भाजपने निवडणुकीसाठी दंड थोपटले आहेत. याच पार्श्वभूमीवर भाजपच्या आयोजित कार्यक्रमाला पंतप्रधान मोदींनी हजेरी लावली. या कार्यक्रमाआधी तृणमूल काँग्रेस आणि भारतीय जनता पक्षाच्या कार्यकर्त्यांमध्ये राडा झाला. दोन्ही पक्षाच्या कार्यकर्त्यांनी एकमेकांवर दगडफेक झाल्यानंतर काही जण जखमी झाले.