सरपंच संतोष देशमुखच्या हत्येचा कट केज तालुक्यातील नांदुर फाटा येथील तिरंगा हॉटेलमध्ये शिजला असे पाच गोपनीय साक्षीदारांनी पोलिसांना जबाब दिला आहे. विष्णु चाटे, सुदर्शन घुलेसह अजून एकजण तिरंगा हॉटेलमध्ये जेवायला गेले आणि तिथेच हत्येचा कट रचला. विष्णु चाटे आणि सुदर्शन घुले यांच्यात झालेल्या संवादाचा एकूण एक शब्द सीआयडीने घेतलेल्या जबाबात आला आहे. त्यामुळे वाल्मिक कराड हाच या हत्येचा मास्टरमाइंड असल्याचे तपासातून उघड झाले आहे. याबाबत 5 गोपनीय साक्षीदारांनी जबाब दिला आहे.

सरपंच संतोष देशमुख यांच्या हत्येचे फोटो समोर आल्यानंतर त्यात सुदर्शन घुले आणि अन्य आरोपी स्पष्ट दिसत होते. 8 डिसेंबर 2024 रोजी घुले आणि अजून एकजण टाकळी येथे भेटला. त्यावेळेस घुलेला चाटे याचा फोन आला आणि त्याने त्याला तिरंगा हॉटेलमध्ये जेवायला बोलावले. त्यावेळेसच हा कट शिजल्याचे जबाबात नमूद केले आहे.