पुण्यात मुसळधार पाऊस सुरु आहे. यामुळे पुणे महानगरपालिकेच्या नवीन इमारती समोर असलेला टिळक पूल वाहतुकीसाठी बंद करण्यात आला. सुरक्षिततेच्या कारणामुळे प्रशासनाने हा निर्णय घेतला आहे. खडकवासला धरणातून सायंकाळी 5 वाजता पाणी विसर्ग 45 हजार क्यूसेक्सने वाढवण्यात आला आहे. त्या पार्श्वभूमीवर पुणे महापालिकेसमोर असणारा पूल वाहतूक करण्यासाठी बंद केला. पुराचं पाणी पाहण्यासाठी नागरिकांनी येथे गर्दी केली आहे. पुण्यातील अनेक सखोल भागात खडकवासला धरणातील पाण्याच्या विसर्गामुळे पाणी साचलं आहे. यामुळे प्रशासनाने योग्य ती खबरदारी ही घेतली आहे. तसेच आजूबाजूच्या भागाला सतर्कतेचा इशारा देण्यात आला आहे.