घाटकोपर येथे रमाबाई नगरात हायवे होर्डींग पेट्रोलपंपावर कोसळल्याची दुर्दैवी घटना घडली. या दुर्घटनेत शेकडो लोक पेट्रोलपंपाखाली अडकल्याचं सांगण्यात येतंय. आत्तापर्यंत एकूण 60 लोक जखमी तर 3 लोकांचा दुर्दैवी मृत्यू झाल्याचं वृत्त समोर येतंय. दुर्घटनेत मृतांचा आकडा वाढण्याची दाट शक्यता वर्तवण्यात येतेय. घटनास्थळी एनडीआरएफची टीम तात्काळ दाखल झाली आहे. पेट्रोलपंपाखाली अडकलेल्या लोकांना बाहेर काढण्याचं काम युद्धपातळीवर सुरु आहे.