मुंबई: पाणीपुरवठा करणाऱ्या 7 धरणांमध्ये पाणीसाठ्यात वाढ झाली आहे. मुंबईत काही दिवसांपासून मुसळधार पाऊस सुरु आहे. जून महिन्यात पावसाने पाठ फिरवली होती. परंतु जुलै महिन्याच्या सुरुवातीपासूनच मुंबईसह उपनगरात पावसाने हजेरी लावली आहे. मुसळधार पावसामुळे मुंबईकरांची पाणी चिंता मिटण्याचे चित्र दिसून येत आहे. मुंबईतील तुळशी धरणात सध्या 76.54 टक्के पाणीसाठा तर तानसा धरणात 60.85 टक्के पाणीसाठा आहे. हवामान खात्याकडून अनेक जिल्ह्यांना मुसळधार पावसाचा इशारा देखील देण्यात आला आहे.