NEET परीक्षेमध्ये गडबड झाल्याचा दावा विद्यार्थ्यांनी केलाय दरम्यान परीक्षेत कुठलाही घोटाळा झाला नसल्याचा दावा केंद्रीय शिक्षण मंत्री धर्मेंद्र प्रधान यांनी केला होता. याबाबत आता मोठी अपडेट समोर आली आहे. केंद्रीय शिक्षण मंत्री धर्मेंद्र प्रधान यांनी उशिरा का होईना NEET परीक्षेमध्ये गडबड झाल्याचे कबुल केले आहे. यामध्ये कोणत्याही वरिष्ठ अधिकाऱ्याचा सहभाग आढळल्यास त्याला सोडले जाणार नाही असा इशारा प्रधान यांनी दिला आहे. परीक्षा आयोजित करणाऱ्या नॅशनल टेस्टिंग एजन्सीमध्ये (NTA) सुधारणा करण्याची गरज असल्याचे शिक्षण मंत्र्यांनी मान्य केले आहे. त्याचबरोबर NEET परीक्षेतील घोटाळ्याचा थेट संबंध गुजरातशी असल्याचं पोलिस तपासात समोर आलं आहे.