मुंबई-गोवा महामार्गावरुन प्रवास करणाऱ्यांसाठी महत्त्वाची बातमी समोर येत आहे. मुंबई-गोवा महामार्गावरील परशुराम घाटातील मुख्य रस्त्याची संरक्षक भिंत कोसळल्यामुळे मुख्य रस्त्याला धोका निर्माण झाला आहे. रस्त्याची संरक्षक भिंत ही सुमारे दीड किलोमीटर लांबीची होती. परशुराम घाटातील संरक्षक भिंत काल रात्री कोसळली असून त्याचा मलबा गटारातून वाहून गेला आहे. मुंबई-गोवा महामार्गाचे काम सुरु असताना रस्ता वाहून जाऊ नये म्हणून ही संरक्षक भिंत उभारण्यात आली होती. त्यामुळे परशुराम घाटातील मुंबई-गोवा महामार्गाला धोका हा कायमच आहे.