बिहारमधील अररिया जिल्ह्यातील बाकरा नदीवर बांधलेला पूल मंगळवारी कोसळला आहे. बाकरा नदीवर बांधण्यात आलेल्या या पुलाचे उद्घाटन होणार होते, असे सांगण्यात येत आहे. मात्र त्यापूर्वीच कोट्यवधी रुपये खर्चून बांधलेला हा पूल कोसळला. या पुलाच्या बांधकामासाठी तब्बल 12 कोटी रुपये खर्च झाल्याची माहिती समोर येत आहे. मंगळवारी पुलाचे तीन खांब नदीत बुडाले आणि पूल कोसळला. पुलाचे बांधकाम करणाऱ्या एजन्सीचे लोक घटनास्थळी पोहोचले असून प्रशासनाचे पथकही दाखल झाले आहे. बिहारमध्ये उद्घाटना आधी पुल कोसळण्याची ही दुसरी घटना आहे.