उपमुख्यमंत्री एकनाथ शिंदे यांच्या घराजवळ मोठा राडा झाला आहे. ठाण्यातील नितीन सिंगल येथील ग्रीन रोड येथे एका माथेफिरूने १० ते १२ गाड्या फोडल्याची घटना घडली आहे. माथेफिरूने हल्ला केल्याने रस्त्यावर एकच खळबळ उडाली. माथेफिरूने अचानक हल्ला केल्याने रस्त्यावर उभ्या लोकांमध्ये मोठी भीती निर्माण झाली. माथेफिरूने गाड्या फोडायला सुरू केल्यानंतर पोलिसांनी तातडीने घटनास्थळी धाव घेतली. पोलिसांनी त्याच्या हातातील काठी हिसकावून घेतली. एकनाथ शिंदे यांच्या घराच्या अंतरावर घडलेल्या घटनेचा व्हिडिओ सोशल मीडियावर व्हायरल झाला आहे.