पेट्रोल भरण्यावरून दोन गटांत तुफान हाणामारी झालीय. हाणामारीचा व्हिडिओ व्हायरल झाला आहे. ठाण्यातील मुंब्रा परिसरातील विराणी पेट्रोल पंपावर ही घटना घडलीय. पेट्रोलपंपावरील कर्मचाऱ्यानं चालकला रांगेत येण्यास सांगितले. पण चालक काही ऐकायच्या मनस्थितीत नव्हता. त्यानं कर्मचाऱ्याला मारहाण करण्यास सुरूवात केली. या प्रकरणी मुंब्रा पोलिसांत गुन्हा नोंदवण्यात आला आहे. मुंब्रा पोलीस आरोपींचा शोध घेत आहेत.

नेमकं काय घडलं?

पेट्रोल भरण्यावरून हा वाद झाला. मुंब्रा परिसरातील पंपावर पेट्रोल भरायला गेलेल्या वाहन चालकाला तेथील कर्मचाऱ्यानं रांगेत या असं सांगितलं. पण चालकानं त्याचं ऐकलं नाही. तो थेट हाणामारीवर आला. त्यानं कर्मचाऱ्याला मारहाण करण्यास सुरुवात केली. त्यानंतर पंपावरील कर्मचारी आणि चालकासह त्याच्या सोबत असलेल्या इतर दोन-तीन साथीदारांमध्ये हाणामारी झाल्याचे या व्हिडिओत दिसते. पंपावरील कर्मचारी त्या तरुणांच्या गटाला बाहेर हाकलून काढत असताना दिसत आहे.