नवी मुंबई : शिवसेना प्रवक्ते नरेश मस्के यांच्या विरोधात भाजपमध्ये संतापाची लाट उसळल्याचं चित्र बघायला मिळतंय. नवी मुंबईतील शेकडो पदाधिकाऱ्यांनी राजीनामा देत आपला निषेध व्यक्त केलाय. राजीनामा दिल्यानंतर नवी मुंबईमधील भाजपचे पदाधिकारी हे चंद्रशेखर बावनकुळे यांची भेट घेणार असल्याची माहिती समोर आली आहे. नरेश मस्के यांना ठाणे लोकसभा मतदारसंघातून उमेदवारी जाहीर करण्यात आली होती. या उमेदवारीला भाजपच्या स्थानिक पदाधिकाऱ्यांकडून तीव्र विरोध करण्यात येतोय. त्याचाच विरोध म्हणून भाजपच्या पदाधिकाऱ्यांनी राजीनामा दिल्याचं पाहायला मिळालंय.