Raj Thackeray news update : गुन्हा कबूल आहे का? सहकार्य केल्यास प्रकरण महिन्याभरात संपेल, असा प्रश्न राज ठाकरे यांना कोर्टाने विचारला. त्यावर मनसे अध्यक्ष राज ठाकरेंनी 'मला गुन्हा मान्य नाही' असं स्पष्ट शब्दात सांगितलं. त्यामुळे अवघ्या काही मिनिटातच ठाणे कोर्टातील सुनावणी संपली.

२००८ मध्ये कल्याण येथे रेल्वे भरतीवरून मराठी व परप्रांतीय अशा दोन गटांमध्ये वाद झाला होता. या वादात तब्बल आठ जणांवर गुन्हा नोंदवण्यात आला होता, त्यामधील आठवे राज ठाकरे यांचे होते. २०१९ पर्यंत हा खटला कल्याण रेल्वे कोर्टात चालवण्यात आला. तोपर्यंत एकदाही राज ठाकरे हे कोर्टामध्ये उपस्थित राहिले नव्हते. कल्याण रेल्वे कोर्टाने हा गुन्हा ठाणे सत्र न्यायालयात वर्ग केला. आज राज ठाकरे ठाणे जिल्हा सत्र न्यायालयात उपस्थित राहिले.