विजय थलपतींचा शपथविधी आजही होणार नसल्याची माहिती समोर येतेय. विजय यांचा आजचा शपथविधी सोहळा रद्द करण्यात आलाय. बहुमताअभावी आज होणारा विजय यांचा शपथविधी सोहळा रद्द करण्यात आलाय. यावेळी विजय थलपती आणि व्हीसीके प्रमुख थिरुमावलवन यांच्या संभाव्य भेटीच्या पार्श्वभूमीवर चेन्नईतील व्हीसीके कार्यालयाबाहेर समर्थक आणि कार्यकर्त्यांची गर्दी जमलीय. थलापती विजय यांच्याकडे ११६ आमदारांचा पाठिंबा आहे, बहुमतासाठी आणखी २ आमदारांच्या पाठिंब्याची त्यांना गरज आहे.

तामिळनाडू राजकीय वादात नवा ट्विस्ट 'बनावट पत्र’ आरोपांवर TVKचा पलटवार | Tamilnadu Politics

बनावट पत्राच्या आरोपावरून तामिळनाडूत सुरू असलेल्या वादात आता थलपती विजय यांच्या 'टीव्हीके' पक्षाने प्रत्युत्तर दिले आहे. पक्षाने आमदार कामराज यांचा एक व्हिडिओ प्रसिद्ध केलाय. ज्यामध्ये ते स्वतः समर्थन पत्र लिहिताना दिसतायत. "मी हे पत्र टीटीव्ही दिनकरण यांच्या संमतीनेच लिहिले आहे," असे कामराज यांनी व्हिडिओत स्पष्ट केले आहे. दिनकरण हे मुद्दाम खोटी माहिती पसरवत असल्याचा पलटवार विजय यांच्या पक्षाने केला आहे.