थायलंड आणि कंबोडिया या दोन देशात मोठा तणाव निर्माण झाला आहे. दोन्ही देशांचे सैन्य एकमेकांशी युद्ध करत असून या हल्ल्यात 9 पेक्षा अधिक नागरिकांचा मृत्यू झाला आहे. या युद्धात आता एअर फोर्स मैदानात उतरली आहे. थायलंड आणि कंबोडियामध्ये सीमावादाने हिंसक वळण घेण्याची ही पहिलीच वेळ आहे असे नाहीये. पण यावेळी हे युद्ध मोठ्या प्रमाणात वाढले आहे. दोन्ही देशाचे सैन्य संपूर्ण ताकदीने आमने-सामने आहे.

रशिया युक्रेन आणि इस्रायल पॅलेस्टाईन यांच्यातील युद्धानंतर आणखी एका युद्धाला सुरुवात झाली आहे. थाई सैन्याने कंबोडियातील लष्करी तळांवर हवाई हल्ले सुरू केल्याचीही माहिती मिळत आहे. थायलंडच्या संरक्षण मंत्रालयाने दावा केला आहे की दोन देशांच्या सीमेवर किमान 6 ठिकाणी चकमकी सुरू आहे. या चकमकींची सुरुवात गुरुवारी सकाळी थायलंडच्या सूरीन प्रांत आणि कंबोडियाच्या ओद्दार मीनची सीमेवर असलेल्या मुएन थाॅम मंदीर परिसरात झाली.