विरोधीपक्ष नेते अंबादास दानवे आणि प्रसाद लाड यांच्यात संसदेत खडाजंगी पाहायला मिळाली होती. यादरम्यान अंहादास दानवे यांनी लाड यांना खडेबोल लगावले होते. यावर प्रसाद लाड यांची प्रतिक्रिया समोर आली आहे. ज्या पद्धतीने अंबादास दानवेंनी माझ्या आई बहिणीचा उच्चार केला हे चुकीचं असल्याचं ते म्हणाले. विरोधी पक्षनेत्यांना हे किती योग्य वाटतं याचा विचार करायला पाहिजे. मी स्वत: किती बहादूर आहे, हे दाखवण्याचा प्रयत्न दानवेंनी केला, आम्ही सुद्धा लालबाग परळमध्ये मोठे झालो आहोत, माझ्या आईला दिलेल्या शिव्या मला दु:ख झालं, उपमुख्यमंत्री देवेंद्र फडणवीस यांच्या कानावर हे टाकलं असल्याचं लाड म्हणाले. विरोधी पक्षनेत्यांवर कारवाई झाली पाहिजे, आणि त्यांनी माझी माफी मागितली पाहिजे. असं प्रसाद लाड म्हणाले. आरोपीला अहंकार असेल तर तो कमी झाला पाहिजे. दानवेंना शिक्षा झाली पाहिजे असं म्हणत त्यांच्या राजीनाम्याची मागणी लाड यांनी केली आहे, उद्धव ठाकरेंनी यासंदर्भात दानवेंना जाब विचारायला पाहिजे असं प्रसाद लाड म्हणाले.