उद्धव ठाकरे यांच्या पक्षातील सहा खासदारांनी बंडखोरी केली असून या खासदारांनी तसे पत्रदेखील लोकसभा अध्यक्षांना दिले आहे. या बंडखोर खासदारांची नावेही समोर आली असून त्यांची एकूण संख्या सहा आहे. यांना बडंखोर खासदारांमध्ये संजय दीनापाटील यांचे नाव असल्याचे बोलले जात असून त्यांनी मात्र यावर अनेकवेळा उडवाउडवीचे उत्तर दिले आहे. मात्र एकनाथ शिंदे यांच्या शिवसेनेचा गोरेगाव येथील नेस्को सेंटरमध्ये मेळावा सुरू असून या ठिकाणी खासदार संजय दीनापाटील यांचे पोस्टर त्यांच्या कार्यकर्त्यांनी झळकवले. त्यामुळे संजय दीनापाटील जरी संतापून या प्रश्नावर प्रतिक्रिया देत असले तरी त्यांच्या कार्यकर्त्यांच्या कृतीमुळे ते शिंदेसेनेत सामील झाल्याच्या बातमीवर शिक्कामोर्तब झाला आहे.