स्थानिक स्वराज्य संस्थांच्या निवडणुकी दरम्यान ठाकरे सेनेच्या नेत्यांमध्ये पुन्हा एकदा नाराजीनाट्य पहायला मिळालं असून रत्नागिरी येथील देवरुखमधील सभेला माजी खासदार विनायक राऊत यांनी दांडी मारली आहे. आमदार भास्कर जाधव आणि विनायक राऊत एकाच व्यासपीठावर येणार होते. मात्र केवळ भास्कर जाधव यांनीच सभेला हजेरी लावली. चिपळूण नगर परिषदेच्या उद्धव ठाकरे सेनेच्या उमेदवारावरून भास्कर जाधव आणि राऊत यांच्यामध्ये वादाची ठिणगी पडली आहे. याच वादामुळे राऊतांनी सभेला येणं टाळल्याची चर्चा राजकीय वर्तुळात सुरू आहे. या घटनेमुळे कोकणातील ठाकरे सेनेतील अंतर्गत कलह पुन्हा चव्हाट्यावर आला आहे.