शिवसेनेचा आज ५८ वा वर्धापन दिन आहे. शिवसेनेत फुट पडल्यानंतर आज दोन्ही शिवसेनेंकडून दुसरा वर्धापन दिन साजरा केला जाणार आहे. वर्धापन दिनाची दोन्ही शिवसेनेंकडून जय्यत तयारी करण्यात आली आहे. लोकसभेच्या निवडणुकीत संघटना आपल्या बाजुने असल्याचं उद्धव ठाकरे यांनी दाखवून दिलं आहे. शिंदे गटाचा वर्धापनदीन हा वरळी डोम परिसरात होणार असून ठाकरे गटाचा वर्धापनदीन षण्मुखानंद हॉल येथे साजरा केला जाणार आहे. वर्धापनदिनानिमित्त उद्धव ठाकरे आणि एकनाथ शिंदे आपल्या कार्यकर्त्यांशी काय संवाद साधतात हे पाहणे महत्त्वाचे आहे.