Tejaswini Ghosalkar BJP Entry : मुंबई महापालिका निवडणुकीच्या पार्श्वभूमीवर उद्धव ठाकरे गटाला मोठा धक्का बसला आहे. ठाकरे गटातील नेत्या आणि माजी नगरसेविका तेजस्वी घोसाळकर या भाजपमध्ये प्रवेश करणार आहेत. आज सकाळी दहा वाजता घोसाळकर यांचा पक्ष प्रवेश होणार आहे. घोसाळकर यांच्या भाजप प्रवेशामुळे ठाकरे गटासाठी हा मोठा राजकीय धक्का मानला जात आहे. यामुळे उत्तर मुंबईत भाजपची ताकद आणखी वाढणार आहे. या राजकीय घडामोडींमुळे आगामी निवडणुकीत राजकीय समीकरणे बदलण्याची शक्यता वर्तवली जात आहे.

दादरमधील भाजपच्या पक्ष कार्यालयात घोसाळकर यांचा पक्ष प्रवेश होणार आहे. तेजस्वी घोसाळकर या दिवंगत अभिषेक घोसाळकर यांच्या पत्नी तर माजी आमदार विनोद घोसाळकर यांच्या सून आहेत. घोसाळकर हे शिवसेना-ठाकरेंसाठी भाजपचा बालेकिल्ला असलेल्या उत्तर मुंबईतलं मोठं नाव आहे.