शिंदे गटाचे माजी मंत्री तानाजी सावंत यांचं नाव पुन्हा एकदा मंत्रिमंडळात सामाविष्ट होण्याच्या चर्चेत आलं आहे. उपमुख्यमंत्री एकनाथ शिंदे यांनी नुकतीच पुण्यात तानाजी सावंत यांच्या घरी जाऊन घेतलेली भेट, ही राजकीय वर्तुळात मोठी खळबळ निर्माण करणारी ठरली आहे.मंत्रिपद न मिळाल्याने मागील ९ महिन्यांपासून नाराज असलेल्या तानाजी सावंत यांची नाराजी दूर करण्याचा प्रयत्न शिंदे यांनी केल्याचं मानलं जात आहे. या भेटीनंतर सावंत यांना पुन्हा मंत्रिमंडळात संधी मिळणार असल्याची भाकितं वर्तवली जाऊ लागलीयत आहेत.मात्र, तानाजी सावंत यांना पुन्हा संधी देण्यासाठी विद्यमान मंत्रिमंडळातील कुणाला बाहेरचा रस्ता दाखवला जाईल, यावरून राजकीय चर्चांना उधाण आलं आहे.