मुंबई : ठाकरे गटाचे दोन खासदार शिंदे गटाच्या संपर्कात आहेत असा दावा खासदार नरेश म्हस्के यांनी केला होता. या खासदारांना नरेंद्र मोदी यांना पाठिंबा द्यायचा आहे असेही म्हस्के म्हणाले होते. यावर ठाकरे गटाच्या नेत्या सुषमा अंधारे यांनी म्हस्के यांचा समाचार घेतला आहे. म्हस्के यांचे हे विधान आणि दावा बालिश आहेत. तसेच मंत्रिपदासाठी आपल्या नावाची चर्चा व्हावी, आपण किती इमानदार आहोत हे दाखवण्यासाठी म्हस्के यांची ही धडपड आहे असेही अंधारे म्हणाल्या आहेत.