भाजपाच्या जेष्ठ नेत्या माजी केंद्रीय मंत्री सुर्यकांता पाटील शरद पवार गटाच्या वाटेवर असल्याची मोठी बातमी समोर येत आहे.भाजपाच्या सदस्या तथा संयोजक माजी केंद्रीय मंत्री सुर्यकांता पाटील यांनी भाजपाला दोन दिवसांपूर्वी राम राम ठोकला होता. राष्ट्रवादी शरद पवार यांच्या सोबत त्यांनी अनेक वर्षे काम केले .त्यांच्या कामाची पावती म्हणून शरद पवार यांनी पाटील यांना केंद्रीय ग्राम विकास राज्य मंत्री पदी संधी दिली होती.

परंतु 10 वर्षा पूर्वी भाजपची केंद्रात सत्ता आली आणि पंतप्रधान नरेंद्र मोदी यांच्या वर विश्वास ठेवत माजी केंद्रीय मंत्री सुर्यकांता पाटील यांनी भाजपात पक्ष प्रवेश केला होता. मागील 10 वर्षांपासून सुर्यकांता पाटील ह्या भाजपामध्ये काम करीत होत्या. भाजपने पाटील यांना कुठलीही जवाबदारी दिली नाही. म्हणून दोन दिवसांपूर्वी सुर्यकांता पाटील यांनी भाजपा पक्ष सस्यत्वाचा राजीनामा दिला आहे. सुर्यकांता पाटील यांच्या राजीनाम्याने नांदेड जिल्ह्यात भाजपाचे मोठे नुकसान होण्याची शक्यता आहे.