संत तुकाराम महाराजांच्या पालखीचा मुक्काम आज पुण्यात श्री निवडुंगा विठोबा मंदिरामध्ये दाखल झाली आहे. जगद्गुरु संत श्रेष्ठ तुकाराम महाराजांची पालखी आकुर्डी येथून पुण्याच्या दिशेने प्रस्थान ठेवणार आहे. श्री निवडुंगा विठोबा मंदिरामध्ये आकर्षक अशी विद्युत रोषणाई , फुलांची सजावट करण्यात आली आहे. मुक्काम ज्या ठिकाणी होणार आहे त्या ठिकाणी प्रशासन सज्ज झाल्याचं पाहायला मिळाल. संत तुकारा महाराजांच्या पालखीचं दर्शन घेण्यासाठी शरद पवार गटाच्या खासदार सुप्रीय सुळे या दाखल झाल्या आहेत. तुकाराम महाराजांची पालखी दापोडी येथे दुपारचा विसावा घेणार आहे. त्यानंतर पुणे शहरातील संगमवाडी येथे संत तुकाराम महाराज आणि कैवल्य साम्राज्य चक्रवर्ती ज्ञानेश्वर माऊली यांच्या पालखीचं संगम होणार आहे. पालखी संगम झाल्यानंतर संत तुकाराम महाराजांची पालखी आणि संत ज्ञानेश्वर माऊलींची पालखी पुण्यात दोन दिवसाच्या मुक्कामाला थांबणार आहेत.