स्थानिक स्वराज्य संस्थांच्या निवडणुकी संदर्भात सुप्रीम कोर्टाने राज्य सरकारला महत्वाचे निर्देश दिले आहेत. येत्या चार महिन्याच्या आत निवडणुका घ्या असे सुप्रीम कोर्टाने सांगितले आहे. स्थानिक स्वराज्य संस्था निवडणूक ठराविक वेळेतच घ्या. तसेच उर्वरित वादाचे टाळण्याचे कोर्टाने निर्देश दिले आहेत. त्यामुळे आता मुंबई, पुणे, नाशिक आणि नागपूर यासह रखडलेल्या महानगरपालिका आणि नगरपालिकांच्या निवडणुकीचा मार्ग मोकळा झाला आहे.

आता लवकरच महापालिका निवडणुकीचा बिगूल वाजण्याची शक्यता आहे. महाराष्ट्रातील स्थानिक स्वराज्य संस्थांच्या निवडणुकीची अधिसूचना पुढच्या चार आठवड्यात निघाली पाहिजे. यानंतर चार महिन्यांत निवडणुकीची प्रक्रिया संपन्न व्हायला पाहिजे, असे स्पष्ट निर्देश सुप्रीम कोर्टाच्या खंडपीठाने दिले आहेत.