राष्ट्रवादी कॉंग्रेस पक्ष आणि घड्याळ चिन्हाबाबत आज सुप्रीम कोर्टात सुनावणी पार पडली. यादरम्यान कोर्टाने अजित पवार यांना दोन आठवड्यात उत्तर सादर करण्याचे आदेश दिले आहेत. राष्ट्रवादी पक्ष आणि घड्याळ चिन्ह अजित पवार यांना देण्याचा निर्णय निवडणूक आयोगाने दिला होता. याविरोधात शरद पवार गटाने सर्वोच्च न्यायालयात धाव घेतली. याप्रकरणाची पुढची सुनावणी ६ ऑगस्टला होणार आहे. दरम्यान अजित पवार यांच्या उत्तरावर शरद पवार यांना rejoinder सादर करण्याचे आदेश असल्यास त्यासाठी आठवड्याची मुदत देण्यात आली आहे. त्यामुळे ऐन विधानसभा निवडणुकीच्या तोंडावर हा मुद्दा पुन्हा चर्चेत येणार आहे.