चंद्रपूर जिल्ह्यात भाजपला मिळालेल्या दारुण पराभवावर ज्येष्ठ नेते सुधीर मुनगंटीवार यांनी पक्षावर चांगलीच नाराजी व्यक्त केली. काँग्रेसने वडेट्टीवार यांना बळ दिले आणि माझ्या पक्षाने माझी शक्ती हिरावून घेतली, असे गंभीर विधान करीत त्यांनी एकप्रकारे मुख्यमंत्र्यांवर निशाणा साधला. पक्षाने गटबाजीला पोषक वातावरण तयार केले. शनि शिंगणापूरनंतर आमचा एकमेव पक्ष असे आहे, जिथे दरवाजे सतत उघडे असतात, असे म्हणत पक्षात बाहेरून येणाऱ्यांवर आणि या धोरणावरही जोरदार प्रहार केला.