मुंबईतील शिवाजी पार्क येथे २० जुलै रोजी झालेल्या विद्यार्थ्यांच्या आंदोलनानंतर आता विद्यार्थ्यांनीच मुंबई पोलिसांना कायदेशीर नोटीस बजावली आहे. विद्यार्थ्यांच्या वतीने अॅड. सागर देवरे यांनी ही नोटीस पाठवली आहे. पोलिसांनी बेकायदेशीरपणे ताब्यात घेतल्याचा, एफआयआरची प्रत न दिल्याचा आणि भारतीय नागरिक सुरक्षा संहितेच्या कलम ३५ चा गैरवापर केल्याचा आरोप करण्यात आला आहे.

२४ तासांत माहिती न दिल्यास उच्च न्यायालयात याचिका दाखल करण्याचा इशारा नोटिशीत देण्यात आला आहे. दरम्यान, कॉक्रोच जनता पार्टीच्या (CJP) आंदोलनाच्या समर्थनार्थ मुंबईत झालेल्या निदर्शनांप्रकरणी दाखल एफआयआरमध्ये मोठ्या संख्येने तरुण आणि विद्यार्थ्यांचा समावेश असल्याची माहिती समोर आली आहे.