साऊथची प्रसिद्ध अभिनेत्री त्रिशा कृष्णन राजकारणात एन्ट्री घेणार असल्याची शक्यता वर्तवली जात आहे. तामिळनाडूचे नवनिर्वाचित मुख्यमंत्री थलपती विजय यांनी तिरुचिरापल्ली पूर्व विधानसभा मतदारसंघाच्या आमदारकीचा राजीनामा दिला. या जागेवर अभिनेत्री त्रिशा कृष्णन पोटनिवडणूक लढवण्याची शक्यता वर्तवली जात आहे. थलपती विजय यांनी दोन जागांवर विजय मिळवला होता. त्यापैकी एक जागा रिक्त झाल्याने त्रिशा कृष्णन यांच्या नावाची चर्चा राजकीय वर्तुळात रंगली आहे. तसंच, थलपती विजय आणि त्रिशा कृष्णनच्या चाहत्यांनी देखील तिने निवडणूक लढवण्याची मागणी केली आहे. सध्या थलपती विजय आणि त्रिशा कृष्णन या दोघांच्या अफेअरच्या चर्चा रंगल्यात. अशात त्रिशा कृष्णनचा लवकरच थलपती विजय यांच्या टीव्हीके पक्षात अधिकृतपणे प्रवेश होण्याची शक्यता आहे. थलपती विजय यांनी मुख्यमंत्रिपदाची शपथ घेतली त्या कार्यक्रमाला त्रिशाने देखील हजेरी लावली होती. त्यामुळे आता या चर्चांना जास्तच उधाण आले आहे.