दक्षिण सोलापूर तालुक्यात झालेल्या मुसळधार पावसामुळे शेतकऱ्यांचे मोठे नुकसान झाले आहे. मंद्रूप, निंबर्गी, कंदलगाव, तिऱ्हे, पाथरी, पाकणी, तेरामैल या परिसरातील शेतजमिनी तळ्यासारख्या दिसत असून खरीप हंगामातील पिके पूर्णपणे पाण्याखाली गेली आहेत.उडीद, तूर, सोयाबीन आणि मूग या पिकांवर मुसळधार पावसामुळे मोठा फटका बसला असून शेतात गुडगाभर पाणी साचल्याने पिके सडण्यास सुरुवात झाली आहे. हातातोंडाशी आलेला हंगाम पाण्याखाली गेल्याने शेतकऱ्यांची दैना झाली आहे. या आपत्तीमुळे शेतकऱ्यांचे अतोनात नुकसान झाले असून तात्काळ पंचनामे करून नुकसानग्रस्त शेतकऱ्यांना भरपाई द्यावी, अशी मागणी शेतकरी करत आहेत.